أطلق مطربو المهرجانات، ومحبي عصام صاصا حملة لدعمه وجاءت الحملة تحت شعار “عصام صاصا مش مجرم”.
والذي كان قد تم اتهامه بالقتل الخطأ بعد وفاة مواطن دهسه بسيارته أعلى الطريق الدائري ناحية قسم شرطة الطالبية،
وأطلق محبي عصام صاصا وزملائه من نجوم المهرجانات الحملة بعد الشائعات التي ترددت بسجن “صاصا” وثبوت تعاطيه المخدرات.
الحملة جاءت بنشر صورة صاصا مع عبارة مكتوبة عليها “عصام صاصا مش مجرم”
وشارك في الحملة عدد من مطربي المهرجانات منهم حمو بيكا وحودة بندق.
حمو بيكا يساند عصام صاصا
كما نشر مطرب المهرجانات حمو بيكا عبر صفحته على موقع التواصل الأجتماعي “فيس بوك” عن صديقه قائلاً:
“عصام صاصا عمره في حياته ماكان موذي او شخص مش كويس وانا مش بكتب الكلام ده عشان اظيط في الظيطه
ومش محتاج اظيط انا ك حمو بيكا انا اعرف الراجل ده من سنين ال سنين كمان .
خبط واحد بعربيته قضاء و قدر ياريت بقي الناس بتاعت التيك توك والصحافين والناس اللي هي بتظيط دي متركبش المركب بالشقلوب
و تفضل تقول كلام محصلش الراجل ده دلوقتي في محنه وفي اكتر مش شخص بيطلعوا يعملوا فيديوهات
ملهاش اي تلاتين لازمه ملكمش الحق انكم تتكلموا وملكمش الحق انكم تطلعوا تجيبوا سيرتو بأي حاجه
انا شايف كميه فيديو ع التيك توك بجد حاجه تقرف حاجه تدل ع ان احنا شخصيات معندهاش مبداء و شخصيات مقرفه
اي كان جريده اي او الصحفيين اللي بيمشوا بالتليفونات في اي حته دول انتم ملكمش الحق انكم تتكلموا في اي حاجه اصلا
و مين اداكم الحق للكلام ده بس بجد انتو ابشع مما تتصورو .
الراجل مات و ده نصيبو الله يرحمو و يرحم جميع امواتنا لكن المزيدات ملهاش لازمه صدقوني
و القانون والدوله هما الوحدين اللي ليهم الحق في الكلمه او في اي حاجه تخص الموضوع
ياريت بقي نهدا ونبطل هري و نهدا كل شويه جريده تطلعلنا واحده مبتعرفش تتكلم تفضل تهري في الموضوع ..
ربنا يرحم اللي مات برحمتو .. وربنا يرجعلنا صاصا بالسلامه”
