علق المطرب عنبة عبر حسابه على التواصل الاجتماعي ” فيس بوك” علي الحادث الذي تسبب به عصام صاصا مؤخراً ،
حيث نشر فيديو له قائلاً : “أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم،
أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها”.
وأضاف المطرب عنبة: “أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة
ربنا يصبركم موقف صعب إنتم مدمرين نفسيًا هنا وهو مدمر نفسيًا،
بس اللي عايزه أقوله هو مش بيخبط أي حد ومش بيدوس على الناس بفلوسه،
وبلاش حد يفهمكم حاجة عن الراجل اللي انتم مش شايفين حالته بسبب الحادثة دي،
الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل،
وده اسمه استغلال وتريند أبوس أيديكم يا تعزوا الناس لتسكتوا أفضل”.
