صرح الفنان كريم فهمي عن أمور في حياته الشخصية والعملية وذلك خلال إستضافته في برنامج “كتاب الشهرة” الذي يقدمة الإعلامي علي ياسين عبر شاشة الحياة.

وكشف عن تأثره بقرار انفصال والده عن والدته بسبب خلافات كثيرة حدثت بين الطرفين،

حيث قال:”طلاق أبويا وأمي مكانش مضايقني أنا وأحمد، الطرفين كويسين جدا ولكن مينفعوش مع بعض،

ده طبيعي وبيحصل كتير حتى دلوقتي كمان وربنا حلل الطلاق، احنا شوفنا ان الانفصال أفضل حل”.

كما روى تجربته مع زيارة الطبيب النفسي قائلا: “روحت لدكتور نفسي لأن جه عليا وقت مكنش عندي شغف للشغل والكتابة”

وصرح أنه مازال يتابع عند الدكتور فقال ” انا لسة بتابع معاه ومش مجنون يعني، عشان احنا عندنا في الثقافة ان اللي بيروح للدكتور النفسي مجنون”

وأجاب النجم كريم فهمي على سؤال علي ياسين المثير للجدل، حول تجربة المساكنة قبل الزواج.

قال: “أكره المجاهرة بالمعصية، ومش هعمل نفسي متدين، ممكن أكون بعمل حاجات غلط بس مش لازم اقولها على الهوا،

و80% من الشباب أكيد عدوا بالمرحلة دي، وأنا طبعا كنت منهم، وأنا في سن أصغر”.

ورد عن الشائعات المنتشرة حول تسببه هو وزوجته دانيا البنوي في طلاق شقيقه أحمد فهمي من زوجته الثالثة الفنانة هنا الزاهد

وقال “مش من الصح اني اطلع اتكلم عن حاجة تخص أخي في برنامج”