علق جمال عبدالحميد، عضو مجلس إدارة نادي الزمالك السابق، على زيارة مجلس إدارة النادي الأهلي للقلعة البيضاء،
اليوم الإثنين، تلبية للدعوة التي تلقاها قبل فترة من مجلس إدارة الزمالك برئاسة حسين لبيب،
كما تأتي هذه الزيارة الودية ترسيخًا للعلاقات الوطيدة بين الناديين الكبيرين وجماهيرهما العريقة على مر العصور والأجيال.
كما قال جمال عبدالحميد في تصريحات تليفزيونية عبر فضائية «إم بي سي مصر»:
«حاجة كويسة إن مجلس إدارة الزمالك يدعو النادي الأهلي لزيارة النادي،
لأن الناس عاوزة تعمل ود بين الناديين عشان الجماهير تهدى».
وأضاف: «المجلس بتاعنا بقيادة المستشار مرتضى منصور، وإحنا في مركز قوى خدنا اتنين دوري وكأس،
دعينا ومدينا ايدينا للنادي الأهلي عشان يشرفونا وينورونا، لإزالة الخلافات،
والأمر مالوش أي علاقة بالقضايا اللي كانت مرفوعة علينا، كان هدفنا الأساسي هو تهدئة الجماهير».
وتابع: «طلبنا من مجلس إدارة الأهلي زيارة نادي الزمالك، أو إحنا نروح لزيارة النادي الأهلي،
ويبقى إحنا ابتدينا بالمبادرة، ولكن فوجئنا برد الفعل، (اترفع علينا قضايا أكتر من اللي عندنا،
اتحجز علينا عشان نحرم نفوز بدوري وكأس اتحرمنا من كل حاجة وكنا بنحفر في الصخر)».
وأكمل: «دلوقتي النادي الأهلي جاي نادي الزمالك، طيب مجاش ليه واحنا مدينله إيدينا!
حتى لو كان في خلاف مع مرتضى منصور، إحنا قدمنا كل حاجة عشان نتصالح».
وأتم: «كل التحية لمجلس إدارة نادي الزمالك الحالي إنه قدر يجيب مجلس إدارة الأهلي لزيارة النادي».
