“لحقت نفسي”.. تعرف على تفاصيل ألبوم أصالة الجديد

روجت الفنانة السورية أصالة، لألبومها المصري الجديد بعنوان «لحقت نفسي»، والذي يضم حوالي 6 أغنيات، والمقرر طرحه خلال الفترة المقبلة.

ألبوم لحقت نفسي لأصالة

وكانت الفنانة أصالة، نشرت حملة ترويجية لألبومها المصري الجديد، وعلقت قائلة:

«بقدّملكم لكم كلّ الاوقات الحلوه المليانه محبّه وصحبه وعمل دؤوب لإنجاز مشاهد من مواقف من مشاعر..

أغاني بتحكي عنّي وبتحكي عنكم. عشنا أنا وحبيبي شريكي وصديق الرّوح فايق أيّام طويلة بأماكن كتيره لنرسم كلّ صوره وكيف لازم تطلع بأحلى وأطيب مايمكن».

كما أضافت أصالة: «بدًي أشكر كلً صديق عزيز موجود إسمه بالأغاني الستّه اللي رح تسمعوها وبعد وقت قليل رح أتبعهم

بستّ أغاني بتقديم مختلف.. وشكرا لاخي وسندي أنس وفريق كبير معه بيساندني وبيفكًر لي..

وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا )

وكل اللي فيها يشتغلوا بحب وبتحسّ إنهم ولاد الشّركة الكبار..

وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت».

 

كما تابعت: «الموسيقى وطن رح ننضمّ إله أنتوا وأنا لنسمع نفس الحكايه بذات الوقت..

مابخفيكم خايفه وكأنًي أوًل مرّه رح قدّم لكم أغاني.. كتير تعلّقت بكل أغنية غنّيتها

ويمكن فيه أغاني عدتهم أكتر من 10 مرّات وبكلّ مرّة كنت عم دوّر على ستّ أنا بعرفها والقصّة قصّتها

كما تابعت “وعندا شخصيّة ضروري تكون حلوة والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوة».

بينما أختتمت أصالة: «كلّ المحبّة وكلً الإمتنان على أيّام كتيره ساندتوني فيها وقوًيتوني وفيكم كبرت..

هلّأ أنا عم ردّ محبّتكم بمحبّة بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله..

الّلي عمّ قدمه بطريقتي لوطني الغالي ( الموسيقى) هو أحلىوأغلى ماعندي بفضل الله».