دافع الفنان صبري فواز عن الممثلة الشابة داليا شوقي بعد الإنتقادات التي تعرضت لها مؤخرا بسبب أحد مشاهدها في مسلسل “سفاح الجيزة”.
قال صبري فواز خلال حواره مع الإعلامية إنجي أنور في برنامج “مصر جديدة” المذاع على شاشة etc
“أنا بقول رأيي عادي وحريص جدا أن ميبقاش في تجاوز لا قانوني ولا تجاه أي شخص
واني اكون عارف تفاصيل الموضوع اللي بتكلم فيه غير كدة مش بتكلم”
وتابع “وانا معنديش عداوات لا مهنية ولا شخصية ومفيش مشكلة اقول رأيي”
وعن دفاع صبري فواز عن داليا شوقي قال “اه دافعت عن داليا شوقي لأن اللي حصل معاها كان اوفر شوية،
وممكن نتعامل معاها زي لعيب ضيع انفراد ودة وارد وحتى لو المشهد مش عجبك مش بننفي اللعيب
من الفرقة علشان ضيع انفراد خصوصا أنها جابت اجوان قبل كدة وهي عملت شغل حلو اخرهم
في مسلسل “وبينا معاد” فإذا هي ممثلة كويسة فحتى لو المشهد وحش متبقاش قاسي عليها”
تحدث أيضًا صبري فواز خلال الحلقة عن رأيه في النقد والنقاد وقال “” انا برجع النقد لأصله وهو اصله يعني استخراج الحلو
والوحش وانا بسعد بالحلو وانميه والوحش بتعلم منه، ووجود النقاد بالنسبة للفنان مثل الفنار في البحر
هو من يدلك على الطريق الصح وهما ليهم جميل عليهم ونحترم ارائهم ”
وتابع “بشكل عام احنا عندنا نوعين من النقد وهو النقد المنهجي العلمي وبدأ يكون في ناس لديهم
مساحات لطرح ارائهم وهم ليسوا بنقاد، وهما بدأوا يقولوا رأيهم بشكل فيه تجاوز دون استناد لامور علمي اكيد الناس هتزعل منه”
