تحدثت الفنانة شيرين عن طريقة تربيتها قائلة  “طريقة التربية كانت صعبة وشديدة جدًا ولما دخلت الباليه كانت أصعب”. وأضافت الفنانة شيرين: “والدي صعيدي وكانت تركيبة غريبة، خاصة في الالتزام والنظام”، مُضيفة:

وأوضحت شيرين “والدتي لم تضربني أبدا في حياتها، لكن والدي صعيدي وزعق فيا مرة واحدة وقعت على الأرض بسببها”.

وحلت الفنانة شيرين ضيفة على برنامج واحد من الناس الذى يقدمه الإعلامي عمرو الليثى على شاشة قناة الحياه، حيث كشفت شيرين عن اسمها الحقيقى

قائلة : “اسمي الحقيقي أشجان وأنا اللي اخترت اسم شيرين اللي اتشهرت به فنيًّا،

علشان أول عمل كامل كنت بعمله كان اسمه “عيون الحب”، مع كمال الشناوي وسناء جميل،

وكنت بعمل بنتهم، وكان فيه مجموعة كبيرة من الفنانين”.

اسم الفنانة شيرين الحقيقي

وتابعت : “محتفظتش بإسمي أشجان علشان كنت مخضوضة جدا منه، وزعلانة وزعلت من بابا علشان سماني أشجان،

أستاذ العربي ذنبني 3 حصص علشان يدي محاضرة في اسمي، وسألني قد كدة بابا زعلان إني جيت في الدنيا،

فسماني أشجان.. وأشجان يعني أحزان، فرُحت لبابا وقلت له غيرلي إسمي”.

معاناة والد شيرين في تسميتها

بينما أكملت شيرين: “بابا راح لمدرس العربي وقال له أنا قعدت 3 شهور اسميها

وكل لما أكتب اسم وأروح أسجله يلاقي حد طالب شهادة وفاة فيتخض وكان عنده توأم قبلي توفوا فكان يرجع

وبعدين عمي قال له لازم تكتب الاسم فالست أم كلثوم غنت حاجة وأشجاني فعجبه الاسم وسماني أشجان”.

قصة أشجان وشيرين

كما تابعت: “أنا مش بحب حد يندهلي بأشجان، وكانت والدتي الله يرحمها بتقولي أشجان لغاية لما

وإحنا بنعمل مسرحية المتزوجون وماشية داخلة المسرح وهي معايا فبتقولي أشجان

قلت لها مش هرد عليكي يا ماما معلش فقالت لي ليه مردتيش فقلت لها علشان أنا مش أشجان”.