حرص مؤدى المهرجانات حمو بيكا على توجيه رسالة شكر للرئيس عبد الفتاح السيسي،
وذلك بعد الإنجازات التي حققها في فى البلاد وخاصةٌ مدينة العلمين الجديدة،
وقال حمو بيكا في تصريحات تلفزيونية له: بشكر الرئيس عبد الفتاح السيسي اللي بعشقه على الإنجازات،
ربنا يخليه لينا إحنا بقينا في حاجة جميلة إحنا مشُفناش العلمين ولا شُفنا الأبراج، غير على إيد سيادة الرئيس.
وتابع حمو بيكا: إحنا بندعي كل العالم إنهم ييجوا هنا، عندنا في مصر حياة جميلة،
والأرقام اللي بيسمعوها عن الساحل الشمالي مش موجودة هنا خالص، أنا بقالي شهرين قاعد هنا، كل العالم لازم ييجي مصر.
وأضاف: سيبكم من اللي بيقول أسعار 15 ألف و20 ألف مفيش الكلام ده، أنت ممكن تيجي بـ 1000 أو 500 جنيه تنبسط،
الأرقام اللي ناس بتقولها مش حقيقي لو معاك 500 جنيه، هتجي تأكل وتشرب وتتفسح، إزازة المية على الشاطئ بـ 20 جنيه، وبره بـ 5 جنيه و6 جنيه عادي.
وفي سياق آخر، طالب بيكا بفرض قانون، لمحاسبة كل من يسيء إلى سمعة مصر، خاصة بعد الجدل المثار عبر مواقع التواصل الاجتماعي،
بسبب الساحل الشمالي الذي وصفه البعض بـ الساحل الشرير، نظرًا لارتفاع الأسعار هناك كما يزعم كثيرون،
إذ نفى بيكا هذه الأقاويل وأكد أن الأسعار بالساحل معقولة إلى حدٍ ما.
بينما فى سياق منفصل قرر الفنان مصطفى كامل، نقيب المهن الموسيقية ، إحالة المطرب عمر كمال، ومؤدي المهرجانات حمو بيكا،
للتحقيق، وذلك بسبب أغنية «أنت معفنة» التي تداولها رواد السوشيال ميديا وانتقدتها برامج التوك شو.
وقال مصطفى كامل :”استجابة لما شاهدته وما أذاعه بعض الإعلاميين قررت تكليف الدكتور محمد عبدالله رئيس لجنة التحقيقات
وفض المنازعات بإبلاغ الشئون القانونية لاستدعاء عمر كمال وحمو بيكا للتحقيق فورًا”.
