كشفت الفنانة هالة فاخر سبب عدم حضروها المناسبات سواء في الأفراح أو الأحزان،
بجانب رأيها في فكرة عمليات التجميل وأمنيتها في العمل مع المخرج محمد سامي.
وتحدثت هالة فاخر خلال تصريحات تلفزيونية عن سبب عدم حضورها المناسبات، قائلة:
لو توفى حد كان قريب مني أنا بحزن بجد، وبقعد كام يوم في البيت، لأن الواحد بيزعل على الفراق،
وبنلاقي المصورين كتير.. فأنا مش عايزه أروح، يكفي إني أقعد أقرأ ليهم القرآن وادعي لهم.
وأضافت: لكن في الأفراح، أنا بنام بدري لو مفيش شغل وبحب أقعد في هدوء، حتى من بعد وفاة والدتي الزيارات
قلت جدًا، وبشغل وقتي في المطبخ لأن الأكل أذواق، وابنى مبياكلش غير من إيدي.
رأى هالة فاخر فى عمليات التجميل
وعن رأيها في عمليات التجميل، ردت هالة فاخر قائلة: كل ما الواحد بيتقدم في السن كل ما الحلاوة بتكون مختلفة،
وبعدين أنا بعمل، بس مش بغير مناخيري، ولا بغير ملامحي، ولا بنفخ،
أنا بعمل حاجات بسيطة ممكن بوتوكس عشان بحب أشوف نفسي في المرايا حلوة.
وعبرت هالة عن أمنيتها في العمل مع المخرج محمد سامي، قائلة:
نفسي جدًا اشتغل مع الأستاذ محمد سامي، ودي أول مرة في حياتي أقول نفسي اشتغل مع مخرج هو بيغير جلد الممثل.
. أنا قد ما حبيت دور هالة صدقي في جعفر العمدة قد ما شعرت بالغيرة الفنية.
