كشف المنتج جمال العدل ، حقيقة خلاف نيللي كريم مع شركة العدل الجروب،
بعد تعاونها معهم مؤخرًا في فيلم ع الزيرو بطولة الفنان محمد رمضان،
وذلك بسبب غيابها عن حضور العرض الخاص للفيلم، كاشفا
أيضًا حقيقة استيائها من ظهور محمد رمضان قبلها ع أفيش الفيلم.
وقال جمال العدل في لقاء تلفزيوني بـ إي تي بالعربي:
هي لم تصرح بشيء ومعلوماتي أنها مسافرة علشان كده ما حضرتش العرض الخاص.
وعن سبب عدم ترويج نيللى كريم للفيلم على صفحاتها بالسوشيال ميديا قال:
شباب في الشركة قالوا لي ولكني ما أخدتش بالي لأن علاقتي بيها كويسة جدا وتصورت أنها ما خدتش بالها
فما حطتش في دماغي ومفيش بيني وبينها حاجة ومفيش تواصل،
وكنت أحب أنها تروج للفيلم ولكن لو روجت هيجيب إيرادات أعلى؟ كان فيلمها مع فراج حقق إيرادات.
خلاف نيللي كريم مع محمد رمضان
أما عن حقيقة استياء نيللي كريم من ظهورها خلف محمد رمضان في أفيش ع الزيرو قال:
نيللي كريم متصورة ورا محمد فراج على أفيش مسلسل ضد الكسر، وفراج لما طلب يطلع معاها على الأفيش وقتها
أنا ما رضتش وقلت له هي أهم بكتير ولكن هي رضيت..
وأنا بتكلم بالمنطق لما تتصور زي شوية شباب صغيرين وفراج قدامها، هتزعل أنها اتصورت ورا محمد رمضان هل راسه أعلى من راسها؟.
فيلم ع الزيرو بطولة محمد رمضان تدور أحداثه حول حمزة الملقب بـ«دراجون»، الذي لديه طفل مريض
يسعى لعلاجه، لكن حالته المادية متعثرة، ثم تتطور الأحداث ليصبح واحدًا من الأغنياء،
ويشارك في بطولة الفيلم كل من: نيللي كريم، چومانا مراد، خالد الصاوي، محمد لطفي،
شريف دسوقي، إسلام إبراهيم، تأليف مدحت العدل وإخراج محمد العدل وإنتاج جمال العدل.
