تصدرت الفنانة أسما شريف منير تريند منصات التواصل الاجتماعي، وذلك بعدما ظهرت “حليقة الرأس”
في بث مباشر عبر حسابها الرسمي بموقع تبادل الصور والفيديوهات إنستجرام”،مما أدى إلى حالة من الجدل عبر المنصات الرقمية
وكانت أسما شريف منير حضرت على السجادة الحمراء أمس من مهرجان القاهرة للدراما
في نسخته الثانية والمقام فى مدينة العلمين الجديدة، حيث ظهرت حليقة الشعر
بعدما قامت بقص شعرها نتيجة تعرضها لأزمة صحية تسببت في سقوط شعرها.
وقالت أسما شريف منير إنها لم تقم بحلق شعرها نتيجة حزنها، مضيفة: “ولكننى كنت بالفعل زعلانة الفترة الماضية،
ولكن هذا ليس هو السبب لقيامي بحلق شعري، ولكن كان السبب أن أعيش في حالة القادرة على تخطى أحزاني”.
وأضافت: “أولا الحكاية جت بالصدفة جدا وكان قرار لحظي وانفعالي جدا ومش ندمانة عليه، تاني حاجة
أنا مش بعمل كده عشان اطلع ترند بس كنت عارفة إني هبقي تريند، في فرق كبير بين عايزة وعارفة”.
كما تابعت: “على فكرة التريند نقمة مش حاجة حلوة خالص بس مش هدخل في الجدل ده دلوقتي،
تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس،
دي صفحة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون”.
بينما أوضحت ابنة الفنان شريف منير: “أنا فعلا من فترة كنت بمر بمرحلة صعبة جدا بس كنت في رحلة بقالي شوية
بتعافي منها وبقف على رجلي من الأول وكان أخرها رحلة دهب، فا تاني بالعكس ده مش اكتئاب ده مرحلة انتقالية مؤمنة إني هحقق فيها حاجات كتير”.
وواصلت: “آخر حاجة الجماعة اللي مكبرين الموضوع (ده شعري مش شعرك) حاجة كده بجد أخيرة، أنا عاجبني شكلي جدا بصراحة، شكله جامد ومديني ثقه في نفسي جدا، بحبكم أوي بجد”.
