كشفت الفنانة عايدة رياض تفاصيل سجنها، والتي أكدت أنها سُجنت ظلمًا

بسبب أموال مزورة، وليست قضية مخلة بالآداب كما انتشر خلال السنوات الماضية على حد قولها.

بينما قالت عايدة رياض، في الجزء الأول من لقائها مع الإعلامي عمرو الليثي في برنامجه واحد من الناس:

البوليس جه البيت وقابلوا محرم فؤاد وقالوا له إنهم مسكوا بنت معاها 100 دولار مزيفة

كما بتقول أنها وخداها من مدام عايدة، وطبعًا محرم صدق ونزلنا روحنا هناك،

ومحرم تفاجئ بمكالمة من زوجة مخرج.

كما تابعت: اللي بتضايق منه أنه بيتقال على السوشيال ميديا دي جايبينها من فيلا وحاجات رهيبة جدًا

وكلام ظلم في ظلم وكان نفسي الناس تتحقق قبل ما يظلموني، ويرجعوا لمديرية الأمن

ويعرفوا أنا كنت فين، والقصة كلها كانت متلفقة.

بينما أضافت رياض: أنا مكنتش حاسة بالدنيا كأن قطر خدني، ده مش ظلم بسيط كل عيلتي وأهلي،

ودي حاجة مش سهلة، وأنا مبقتش مستطعمة أقول إني مظلومة، والناس بيبقى ليها أعداء وغيرة من غير حاجة.

عايدة رياض: محرم فؤاد ترافع عني في قضيتي

بينما استكملت عايدة رياض: محرم فؤاد اتخانق مع الضابط وده السبب إني أتأخرت في المديرية،

وناس حقوقيين بعد الثورة كلموني وقالوا لي ارفعي قضية وخدي حقك ورفضت

وقولت ليهم البلد في إيه وانتوا بتقولو إيه، ومحرم وقف ترافع عني أمام القاضي في المحكمة.

واختتمت عايدة حديثها، قائلة: أستاذ صلاح فايز عمل أغنية عن قصتي اسمها ظالمة ليه يا دنيا وهو كان صديق لينا أنا ومحرم.

دخول عايدة رياض السجن

وقالت عايدة رياض: ناس جم البيت وقابلوا محرم قالوله فيه بنت احنا ماسكينها

بتقول أن هي معاها 100 دولار مزيفة وبتقول واخداها من مدام عايدة رياض، ومعرفش مين ورا الموضوع دا.

وتابعت: ومكنتش حاسة بالدنيا، واتعرضت للظلم، وبلاقي حاجات على السوشيال ميديا كاتبين

دول جايبنها من فيلا، وحاجات رهيبة، ومحرم فؤاد ساعتها اتخانق مع الظابط، ووقف ترافع عني في المحكمة.

عايدة رياض وعلاقتها العاطفية

وعن زوجها السابق الفنان محرم فؤاد قالت عايدة رياض: محرم فؤاد كان بيقولي عبد الحليم

بيعمل فيا مقالب وحشة، وكان نفسه يتجوز ميرفت أمين،

وحب نيللي وكانوا هيتجوزوا، وبعد ما انفصلت عن محرم فؤاد عيشت قصص حب خارج الفن.

وفي الحلقة ذاتها، تحدثت عن أخبار زواجها من الفنان أحمد بدير، فقالت: دي كانت إشاعة،

وساعتها كنا بنشتغل مع بعض، ولما الموضوع زاد كنت هسيب المسرحية، الجواز مش أمان للست،

عايزة ارتبط وأحب وأتحب الاتنين مع بعض، ومش هقدر ارتبط عشان اتعودت على الوحدة،

عدم الإنجاب أمر ربنا، وعندي ولاد إخواتي ربيتهم.

أخر أعمال عايدة رياض

ومن الجدير بالذكر أن أخر أعمال عايدة مسلسل ليه لأ 3 الذي تتناول حلقاته قضية اجتماعية هامة،

أثارت جدلًا واسعًا بين الجمهور عقب طرحها في المسلسل، وهي أحقية السيدة المطلقة

التي تعول أبناء كبار في الزواج مرة أخرى، وبناء أسرة جديدة،

بالإضافة إلى قضية التفرقة في المعاملة بين الولد والبنت، وسوء تربية الأولاد

وتدليلهم زيادة عن اللازم وتأثير ذلك على سلوكهم.

ويشارك في بطولة مسلسل ليه لا الجزء الثالث عدد كبير من النجوم والنجمات،

منهم: نيللي كريم، صلاح عبد الله، معتز هشام، عايدة رياض، أحمد طارق، نادين فاروق،

سامية أسعد، أمير صلاح، حازم سمير، آلاء سنان، هديل حسن، فريدة رحب،

وظهور خاص للإعلامية إنجي علي بدور “رانيا”، زوجة والد “ياسين” الذي يجسد دوره الفنان الشاب معتز هشام.