تراجعت الفنانة رانيا يوسف، عن موقفها الرافض بشدة للزواج للمرة الرابعة، وقالت إنها تمتلك الأمل بنجاح الزيجة المقبلة

على عكس الزيجات الثلاث الماضية، وأكدت أنها تحظى بتشجيع من ابنتيها على خوض تجارب عاطفية جديدة،

وأشارت إلى أنها لا تمانع الارتباط بحبيب سابق لإحدى صديقاتها ولكن بشروط.

وتحدثت رانيا يوسف خلال حلولها ضيفة على برنامج التوك شو “The Blind Date Show2”

عن زيجاتها الثلاث السابقة، والأنجح فيهم، قائلة: اتجوزت 3 مرات وأول زيجة هي الأنجح بالنسبة لي،

إنما الاتنين الباقيين ما كانوش ناجحين، ولسه عندي أمل في الزواج تاني، وعلاقتي بـ أبو بناتي مش كويسة

خالص وكنت أتمنى إننا نفضل صحاب.

بينما أضافت: بناتي شجعوني إني أجرب الزواج تاني، وممكن أتجوز للمرة الرابعة”،

مضيفة: “ممكن أحب زوج صاحبتي في حالة انفصالهما، ووارد أحب EX صاحبتي السابق،

بس على حسب هما منفصلين بقى لهم قد إيه، لو من فترة طويلة ما عنديش مشكلة، وصاحبتي أول واحدة

هعرفها، ولو منفصلين من قريب مش هفكر فيه لأن الدنيا ما بتقفش على حد.

رانيا يوسف: بناتي بيختاروا لبسي

وأضافت الفنانة رانيا يوسف أن ابنتيها هما من يختاران لها ملابسها، قائلة: بناتي مشجعيني إني أجرب، ولو

رايحة معاد مع شخص هما اللي بيختاروا لبسي، وهما شوية متفتحين في اللبس، وأنا بحب ألبس

اللي يليق عليا سواء قصير أو طويل أو مفتوح أو مقفول على حسب، وبحب الشورتات والمايوهات جدًّا وبحب الصيف”.

وحول اللحظة التي ستقرر فيها الكشف لبناتها عن مواعدتها شخصًا جديدًا، قالت: “بعد شهور

لأنهم عاصروا جوازتين معايا، ولازم أكون واثقة 90% على الأقل، مش عايزة أعرضهم لتجربة تؤثر في حياتهم”.

وتابعت: “بحكم إني بشتغل من فترة طويلة اتعودت أجيب حاجتي بنفسي، لكن ما يمنعش زي ما بيقول المثل

أنا غنية وأحب الهدية، إن جوزي يدلعني ويجيب هدية حلوة، دي حاجة لطيفة”.

وأضافت: “الستات مش المفروض تجيب هدايا للرجالة، أنا لوحدي هدية، والرجالة المفروض تدلع الستات مش العكس، أنا أدلعك بطريقتي”.