محتارين تجيبوا اى في عيد الأم ..أنا أقولكم تجيبوا اى وهدية محتاجاها كل أم هاتولها بعشرة جنية أدب ورباية

وبخمشة عشر جنية قلة مناهدة وسمعان كلام وقولة حاضر اللي بتريح

وبعشرين جنية هاتي أحوش وعنك ياما لما تلاقي كعابها بتنقح عليها ومش شاليلها من خدمتكم

وبخمسة وعشرين جنيه صوت واطي وقولة آسف لما تفتحوا عليها الجعورة أد كدا

وبخمسة جنيه مكالمة حلوة من غير ما تولولوا وتشتكوا فيها وتشيلونا همكم

وبعشرة جنيه طبطبة وجبر خاطر وحطونا في قايمة أولوياتكم مش في ضهر الورقة مش بعد عيالكم ولا أجوازكم ولا أصحابكم

وبخمسة عشر جنيه تقدير وكلمة شكر ثانكيو ،ميرسي أدي مية جنية أحلي هدية لأى أم وميضرش يعني لو سألتو جرام الذهب بكام كل سنة واحنا طيبين .

https://www.facebook.com/reel/945663289962397?fs=e&s=7MtrtK&mibextid=z9DgKg