صرحت الفنانة فيفي عبده تصريحات مثيره عن الرجال في أحد حواراتها التلفزيونية “إن الراجل لازم يبقى سي السيد في البيت ولو هو شرابة خرج مش هيملى عينيا،
هو ده إللي فاتح البيت ولو الست حتى هي اللي فاتحة البيت الراجل راجل،
ولو هو تافه مش هحترمه وميملاش دماغي أساسًا”
وتابعت فيفي عبده حديثها قائلة لازم الراجل يكون عارف في قيمة بيته ، وميخشش ثالث بيننا في النص أنا مثلا عمري ما حد اتدخل في حياتي بيني وبين جوزي”
سبب طلاق فيفي عبده
أعلنت فيفي عبده في أحد حواراتها التلفزيونية أنها طلبت الطلاق من زوجها والسبب أنه عليّ صوته عليها قدام إثنين صحابه في أول الجواز وهي فنانة ولها احترامها ،
فطلبت منه انه يجيب الناس إللي زعق لها قدامهم ويقول لها أنا آسف وجابهم فعلا حتى لا يحدث طلاق مضيفة أن الاحترام والتقدير لا بد أن يكون متبادل”
طريقة معرفة فيفي عبده للراجل البخيل
أعلنت فيفي عبده مع الإعلامية ياسمين عز على قناة أم بي سي مصر أنها عندها شهادة الخبرة
قائلة” أنا عندي شهادة الخبرة ومش بعرف رجالة أو أعاشرهم قبل ما اتجوزهم وبعد ما أتجوزهم بجرب إذا كان سخي ولا بخيل ،
والاعبه كوتشينه على فلوس علشان أعرف لو خسر هيتنرفز ويتضايق فأعرف إنه بخيل”
نبذة عن فيفي عبده
إسمها الحقيقي عطيات عبد الفتاح إبراهيم ولدت لأب يعمل ضابط وهي من مواليد ٢٦ ابريل ١٩٥٣ ،
رفض والدها دخول عالم الفن والرقص فهربت مع خالها لتحترف المهنه .
فيفي عبده وموج البحر
بينما صرحت فيفي عبده في أحد حواراتها التلفزيونية إنها بتروح البحر وتقرأ القرآن وهي واقفة وتنزل سبع موجات وهي بتقرأ القرآن ثم تقوم بعمل غطس تحت الموجة.
كيد النسا
وأشارت الفنانة فيفي عبده أنها ظلت فترة بدون عمل بسبب زيادة وزنها فقامت بالوقوف في المياه ودعت ربنا قائة ” وحياة موجك يا ربي وقد موجك ده إللي مش عارف عدده تنصفني على كل اللي ظلموني ، وطلعت من المياه لقيت المنتج بيكلمها على مسلسل كيد النسا وربنا استجاب ليا ”
تحذيرات فيفي عبده للستات
حرصت الفنانة فيفي عبده على تحذير السيدات من بعض الأشياء من باب المحافظة على أزواجهم
قائلة ما فيش حاجة إسمها روح وصل صاحبتي مفيش الكلام ده”
وتابعت قولها في برنامج” كلام الناس” على قناة أم بي سي مصر قائلة
حتى لو هو نيته كويسة ممكن تكون نيتها مش مضبوطة، كما أشارت أيضا بضرورة عدم خروج أي سر من أسرار المنزل لأي شخص .
ثقة فيفي عبده بنفسها
وعلي صعيد أخر ، أعلنت فيفي عبده انها مؤخرًا أصبحت لا تهتم باستخدام أدوات التجميل قبل ظهورها في الفيديوهات الخاصة بها
علي مواقع التراصل الاجتماعي وما اكسبها هذه الثقة أن الجمهور شاهدها بدون حواجب في برنامج رامز جلال
قائلة” لما طلعت مع رامز جلال ولبست طاسة على رأسي وجابلي مشروب تش فريش
، طلعت الطاسة بحواجبي فقالوا ده عبده فين فيفي ”
وتابعت حديثها قائلة ” أنها متصالحة مع نفسها تماما ولديها ثقة عالية
فأصبحت تقوم بالظهور أمام الجمهور بدون حواجب خالص لأن جلدها ما بقاش يستحمل أي تاتو “
