كشف الفنان محمد حماقي، لأول مرة كواليس انفصاله عن زوجته السيدة نهلة الحجري، وعودتهما مرة أخرى، مشيرًا إلى أن الطلاق حدث سراً
لمدة عامين، وحرص وقتها على إخفاء الخبر عن جمهوره حتى لا تعاني زوجته من أي تجاوزات بحقها،
واعترف بأنه لم يتمكن من المضي قدماً بحياته بدونها.
وقال محمد حماقي عن زوجته، خلال حواره مع الفنانة إسعاد يونس، في برنامجها صاحبة السعادة،
والمذاع عبر شاشة قناة DMC: إحنا انفصلنا سنتين ومفيش حد خد باله ولا عرف،
وكنت حريص إني مقولش عشان ميحصلش تجاوز، اللي حصل كان مرحلة عدم تفاهم وتتخين دماغ بدون داعي
وافتكرنا أن الحل الأمثل إن كل واحد ارتاح من التاني.
وتابع: لكن اكتشفنا إن مش ده الحل أنا قعدت سنتين مش عايز أقابل ولا أشوف حد غيرها ومش عارف أتخطاها،
وأوقات كتير بالليل كنت بفكر إنها ممكن تتجوز وأزعل وأضايق طب أنا ليه عامل كده في نفسي، والطلاق أوقات كتير بيكون مفيد
ولكن عرفنا قيمة بعض ورجعنا وأنا بحبها من كل النواحي بحبها من عقلي ومقتنع جدًا وبحبها بمشاعري والحمد لله إننا رجعنا.
كما كشف محمد حماقي، عن تغيير محل إقامته من التجمع الخامس لـ أكتوبر، قائلًا: مراتي من سكان الزمالك،
ونقلت من مدينة نصر لـ أكتوبر علشان معزلهاش عن أهلها وإخواتها،
خاصة إني بسافر كتير ومش طول الوقت موجود، حسيت إن ده ظلم لو عزلتها.
وأكد الفنان محمد حماقي خلال حواره، أن الجمهور يصنف الأغاني الشعبية بشكل خاطئ،
موضحًا: أنا ممكن أغني شعبي ولكن شعبي بتاعي أنا في الغلاف بتاعي مش بتاع حد،
وفي ناس دايمًا بتصنف الشعبي غلط، الشعبي هو الشعب يعني أكبر شريحة،
يعني الأغنية اللي بيحبها وبيفهمها أكبر شريحة هي أغنية شعبي، ودي ليها طريقة وهتختلف عند مغني.
يذكر أن حماقي عاد لزوجته نهلة شهر يوليو من العام 2016، وظهرا معا للمرة الأولى بحفل زفاف كندة علوش وعمرو يوسف،
كما عاودا الظهور ضمن الاحتفال بيوم الحب، ورزقا في العام 2017 بابنتهما فاطمة.
