تصدر إسم المطرية « بوسي»، في الفترة الأخيرة أعلي مؤشرات علي محرك البحث جوجل، وذلك بعد تجدد خلافها مع والدها، الذي ظهر منذ فترة.
حيث كشف والدها عن استمرار الخلاف بينه وبين ابنته، وانقطاع الاتصال بينهما منذ سنتين وقال في مداخلة هاتفية مع الإعلامية إنجي إنور ببرنامج “مصر جديدة”:
“مفيش حد من ولادي بيسأل عني، وآخر مرة كلمتني كانت من حوالي سنتين. وردا على سؤال عن وجود مشاكل عائلية أجاب: “مفيش أي مشاكل، أنا طلقت أمها زمان وأمها ماتت، وصرفت عليها وهي صغيرة، وكانوا بياخدوا مني نفقة كويسة.”
كما قال: “كانت بتبعتلي فلوس لمدة 3 أو 4 سنين، وبطلت تبعتلي من 5 سنين، ولما إتكلمت في الإعلام بعتتلي ألفين جنيه، وبعدها كلمتي وقالتلي يا محمد يا شعبان إنسى إن لك بنت اسمها بوسي، وأنا نسيتها ومش عايز منها حاجة.
ومن جانبه، ردت الفنانة بوسى على اتهامه لها قائلة: أنا اتولدت ومعرفش يعنى ايه أب، أمى إلى ربتنى وهى كانت والدى ووالدتى فى نفس الوقت، عمرى ما شفته ولا يعرف عنى حاجة ولا عمره صرف عليا جنيه، والدتى هى كانت كل حاجه ليا.
وتابعت: انا ليا اخوات تانية مش معنى ملوش حديث غير عليا، ولما والدتى اتوفت كان فين حنانك ترجع لينا وتعيش معانا، عمرك ما سألت عليا غير علشان الفلوس وبس، تعرف ايه عن الحنان علشان تطالبنى بيه.
كما قالت: كل مرة اديله فلوس ويطلع تانى على السوشيال يقول بنتى مبتدنيش فلوس ولا بتعبرنى، وقاعد فى الشقه لوحدى، ودى أصلا شقة والدتي وهو عايش فيها لوحده، أنا لو فعلا رمياه مكنتش سمحتله يعيش فى شقة والدتي.
وتابعت حديثها: إلى ربنانى من صغرى هما اخوات والدتى، ووالدى ميعرفش عنى حاجه، وفى 5 بنات ووالدين غيرى كانوا عايشين معاه، ليه مبيطلبش منهم فلوس ويشهر بيهم زيى، أنا عارفه أن في ناس بتحاربنى هى إلى بتعطيه فلوس علشان يطلع يشهر بيا اني بنته ومبسألش عليه.
واختتمت قائلة: لو فعلاً هو والدى وبيخاف عليا مكنتش طلع على السوشيال واتكلم عليا، الأب الحقيقى بيخاف على ولاده وبيضمهم ليه، مبيقعدش يفضحهم على السوشيال، وإلى عايز يصدق كلامه يصدق أنا مش هتكلم فى الموضوع ده تانى، ومش هقول غير ربنا يسامحه.
